ایللردیر اولوبدور یئمگیم بیرجه یومورتا

هم شامه یئدیم همده سحر همده گون اورتا

ات جوجه بالیق دادی چیخیبدیرخاطیریمدن

چوخدان یئمیرم بال کره قایماق خاماتورتا

سنگک یاخیب هریانینا کونجود باهالاشدى

حققیدی شاطیر الليیه هم یانینی قیرتا

ایللرجه قاباق توت توکولوب یئرده قالاردى

سگیز دنه مین لیکدی فیات بیرکیلو تورتا

نفرین سنه ای آلما گیلاس شافدالی آلچا

دولتلی لرون بوزدولابیندا چوری تیرتا

یوز دفعه دئدیم قارپوزا یادائللره گئتمه

نئی نیرسن عيماراتدا عرب قارنيوی ییرتا

تون اطعمه لر اشربه لر پوللولاریندى

یوخ یوخسولا بیرشئی چکه دندانینا دارتا

ای بیزلری بوحاله سالانلار سیزه قارقیش

خیرنک دوتاسوز اننوزی دللک قولی چیرتا

یامكکه نصیب ایله سون آللاه سیزه یوز یول

پرده دالینا جدده ده چکسون سیزی شورتا

وولکان گئجه گوندوز چالیشیر سؤزلر ایچیندن

بیرسوژه تاپا گولدوره خلقی چکه میرتا.