1.         آپار منی بنده وور*زولفونده کمنده وور*اللی یئردن یارام وار* اسیرگمه سنده وور

2.         باغبان باغدان بار ایسته ر*هئوا ایستر نار ایسته ر* منیم بو خسته گوُییلوم* ال دگمه میش نار ایسته ر.

3.         بوردان اوزاق کوجووار*زلفون ایکی اوجو وار* ایکی کوُنول بیر اولسا*کیمین اونا گوجو وار.

4.         تبریز اُوستی مراغا* رولفون گلمیر داراغا* آختاریرام یاریمی* یوخ طاقتیم فراغا.

5.         تئلینده آبی داراق*یاریمی گوُردوم بایاق*قاچ یئترن مدیم*سیناسان بئله ایاق.

1.          ایل دولاندی گلدی یاز*بولبول ائلر گوله ناز*عقلیم باشیمدان آلدی* بوردان گئچن سرو ناز

2.         باشدا آغ شالی وار*ئورتوبدی آغ شالی وار*چیخیبدی یول اُوستینه*گوُر کیمه اوخشاری وار.

3.         باشیندا آغ شالی وار. ئورتوبدی آغ شالی وار. چیخیبدی یول اوستونه.گؤر کیمه اخشاری وار

4.         باشیندا شالین نه در*فکرین خیالین نه دیر* بوردان گلیپ گئچرسن* دئمیرسن حالین نه در*

5.         بو داغلار قوشا داغلار*چاتیب باش- باشا داغلار* نئجه سیز بیرآه چکه م*دوُنه سیز داشا داغلار.

6.          بو داغلارین باشینا*بلبول قونوب داشینا*ماهر اووچی دوز وورار*اوخی آتماز بوشونا.

7.         بو درد منی تنگ ائدر*باشا وورار دنگ ائدر* سئوگی آدام ئولدورمز* سارالدار بد رنگ ائدر.

8.         چاتیلیب باشیز داغلار* بیلینمیر یاشیز داغلار*هیجران سیزه ده دوشدی* آغاردی باشیز داغلار.

9.       

1.          ائولرینده وار کیلیم* لال اولسوم منیم دیلیم*گئدنده گوسدی گئتدی*گلسه نئجه دیندیریم.

2.         آچدیم_آچدیم گول اولدوم*بوی آتدیم سنبل اولدوم* بیر دیل بیلمز قوشودوم*اوخودوم بلبول اولدوم.

3.         آرازام کوره بندم*بولبولم گوله بندم*من گئدرگی قونام* بیر شیرین دیله بندم.

4.         آی دولاندی ایل آشدی* باغیم باغچام گول آشدی*یالواردیم دانیشمادی* کوسن کیمی دیل آشدی.

5.         باغچادا گولوم اولسون* اوسته بولبولوم اولسون* یا گوُیلونی آلماغا* باری بیر دیلیم اولسون.

6.          بو داغدا بار اولونجا* هئیوالار نار اولونجا* دیل آچار دلی گوُیلوم* سن منه یار اولونجا.

7.         بوداغدا توراج بانلار. اونون دیلین کیم آنلار. یاریمدان آییردیلار.قویمایین مسلمانلار.

8.         بیر دردیم وار کاغاذیم* سن ایله جار کاغاذیم*یئتنده یار یانیننا* دیل آچ یالوار کاغاذیم.

9.         چوللرده بستان اولدوم*دیللرده دستان اولدوم*طالعیم بد گتیردی*آشنادان دوستدان اولدوم.

10.       داغلار باتیبدی قارا* اووچی دوشیبدی دارا* دیل ایله دوست آولانین* قلبینی داردا آرا.

11.       دریا دولی لیل ایلن*یاریم اوینار گول ایلن*هامییا جان باغیشلار* منی ساخلار دیل ایله.

1

1.          اووچینین قمه سی وار،بئلینده قمه سی وار*مینمیشم غم آتینی*اولموشام غمه سوار.

2.         ایشیم دوشدی دیوانا*آخری گلدیم جانا*هیچ زمان بئل باغلاما* بری نادانا بیر خانا.

3.         دالیمی داغا وئررم*داغا قاداغا وئررم*ائشیتسه م یاریم گلیر* جانیمی صاداغا وئررم.

4.         دولان گل بئله باغلار*کمرین بئله باغلار*بولبول ئوتمز گول بیتمز*چول اولسون بئله باغلار.

5.         قوهوم هاردا،یادهاردا*بئل باغلامه اغیارا، قونشون حیاسیز چیخسا*تئز کوچ،جانین قورتارا.

6.          لار نه دن آغلارسان*گولدن کمر باغلارسان* گول سنده لاله سنده* داها نه دن آغلارسان

اشتراک کلمه بئل،کمر،دال با سایر اعضا (166-136-130-17-3)

1.          اولدوز سلطان، آی آغا*ظلم ائله مه آی آغا*دولتیم یوخ، مالیم یوخ، گلدیم دوشم آیاغا.

2.         آیاق دوتوب یول قاچماقون گورمدیم. شیرین شیرین دانیشماقون گورمدیم .یانام بالا بو نسگیله ئولونجه .دیلسیز گئتدون دیل آچماقون گورمدیم.

3.         بوگونلرده کئچدی  بلکه. دورنا  اولوب  کوچدو بلکه. بو قفس دن اوچدو بلکه. آیاغینی  بوش  باغلایین

4.         پنجره دن باخدی یار* باخدیم گوُردوم یوخدی یار*نه اوُرکده تاب قالدی* نه ایاقدا اختیار.

5.         سور آتینی دوز یئردن.  آیاقلارین اوز یئردن.  سن سیز یارام ساغالماز.  گلسه طبیب یوز یئردن

6.          عاشیق گئدر هریانا* سوُزون دییر مردانا*ایگیده اورک وئرر*برک ایاقدا مردانا.

7.         قلیانی بایاق چکدیم، دولدوروب بایاق چکدیم. یاری بی‌وفا گؤردوم، یولوندان آیاق چکدیم.

8.         لای لای منیم  ببـه ییـم. بیرآرزوم بیر دیلـه ییــم. دارگـونده پیس آیــاقدا. سنسن منیم کومه ییم     

9.         منیم بالام دیل آچمادی. آیاق دوتوب یول قاچمادی. منیم سود ائمن بالام.قوجاقیمه یاراشمادی

شتراک کلمه ایاق با سایر اعضا ا(154-152-131-102-71-61-22-21-15)جمع آوری و تالیف کرم زاده دیزجی