1.          اولدوز سلطان، آی آغا*ظلم ائله مه آی آغا*دولتیم یوخ، مالیم یوخ، گلدیم دوشم آیاغا.

2.         آیاق دوتوب یول قاچماقون گورمدیم. شیرین شیرین دانیشماقون گورمدیم .یانام بالا بو نسگیله ئولونجه .دیلسیز گئتدون دیل آچماقون گورمدیم.

3.         بوگونلرده کئچدی  بلکه. دورنا  اولوب  کوچدو بلکه. بو قفس دن اوچدو بلکه. آیاغینی  بوش  باغلایین

4.         پنجره دن باخدی یار* باخدیم گوُردوم یوخدی یار*نه اوُرکده تاب قالدی* نه ایاقدا اختیار.

5.         سور آتینی دوز یئردن.  آیاقلارین اوز یئردن.  سن سیز یارام ساغالماز.  گلسه طبیب یوز یئردن

6.          عاشیق گئدر هریانا* سوُزون دییر مردانا*ایگیده اورک وئرر*برک ایاقدا مردانا.

7.         قلیانی بایاق چکدیم، دولدوروب بایاق چکدیم. یاری بی‌وفا گؤردوم، یولوندان آیاق چکدیم.

8.         لای لای منیم  ببـه ییـم. بیرآرزوم بیر دیلـه ییــم. دارگـونده پیس آیــاقدا. سنسن منیم کومه ییم     

9.         منیم بالام دیل آچمادی. آیاق دوتوب یول قاچمادی. منیم سود ائمن بالام.قوجاقیمه یاراشمادی

شتراک کلمه ایاق با سایر اعضا ا(154-152-131-102-71-61-22-21-15)جمع آوری و تالیف کرم زاده دیزجی

1.         اولدوز کیمی آخاندا* یاندیراندا،آخاندا* نه اولار بیر گوله سن* من اوزنه باخندا.

2.         ائولری کوندلن یار*منه گول گوُندرن یار*گولون پاییزا دونسون* مندن اوز دوُندرن یار

3.         آغ آلما آللانیبدی*آغاجدان ساللانیبدی* من سنه نه دئدیم یار* گول اوزون خاللانیبدی.

4.         آیا باخ اولدوزا باخ* دامدا یاتان قیزا باخ*قیزآللاهی سئویرسن* دُندر اوزون بیزه باخ.

5.         بستان اکدیم تاغ اوزده*آیران آلتدا یاغ اوسته*من سنه دیئدیم کی*من سنه نه دئدیم کی* تر گوُروندی آغ اوزده.

6.          بوداغدا آری اولماز*داغلارین باری اولماز*ایکی اوزلی عاشیقین*وفالی یاری اولماز.

7.         بوداغدا یوشان بیتر* آلتیندا دوُشان ایتر* من یاریما نه دئدیم آغ اُزونده دوردی تر.

8.         بولود یوخ باخ سمایا* اولدوز تک آخ سمایه* ذره جه اوزون گوُرسم* کافرم باخسام آیا.

9.         داغدان گلر سئل آخار. یارگول دره رگول تاخار. ایگیت اوز_اوزه گلسه. بیر بیرینه دیک باخار.

10.       داغلار باشی توتوندی*کیمین قلبی بوتین در* اگیل اُوزوندن ئوپوم، دنیا ئولیم ایتیمدی.

11.       داغلارین او اوزوندن*جیران اوتلار دوزونده* من یاریمی تانیرام* قوشا خال وار اوزونده.

12.       درد منده اوز گوُروبدی*میدانی دوز گوُ روبدی* گئدر-گئدر قاییدیر* منی یالقیز گوُ روبدی.

13

1.          اووچودا آمان اولور*الینده کمان اولور*اوخ آتما یار قلبینه، اوخ دگسه یامان اولور.

2.         اووچولار دوران یئرده*یای- اوخون قوران یئرده*گوُروم الین قوروسون*منه اوخ ووران یئرده.

3.         ایپک دستمال الیمده*سال یئریمی سرینده*بیر دسته گول اولایدیم*سئوگولومین آلینده.

4.         ایشینی آل اله سن*عمری وئرمه یئله سن*هر ایشده صبرلی اول*پیشمان اولار تله سن.

5.         آمان آمان الیندن*دوشور کمال الیندن*جانیم فغانا گلدی* آخر زمان الیندن.

6.          بو داغی آتیلایدیم*قول اولوب ساتیلایدیم*وفاسیز یار الیندن*ئولیدیم قورتولایدیم.

7.         بو گلن آه گتیرر*گاه توتار گاه گتیرر*الی یاردان اوزلن*کیمه پناه گتیرر.

8.         بیرقوشام قانادیم وار*ائیل-اوبادا آدیم وار*الینی اُوزمه مندن،قوهوم دان چون یادیم وار.

9.         چای آشاغی بوز گلیر*دسته-دسته قیزگلیر*بیر الینده شیش کباب*بیر الینده دوز گلیر.

10.       چای دربندی گئچیلمز*سو سربندی ایچیلمز*دئییرلر یاردان ال چک*یار شیریندی چکیلمز.

نئچه بایاتی گوُز حاقیندا

1.         اراز آشاندآغلار*گوُز قوماشاندا آغلار* بالالار آناسیندان* آیری دوشنده آغلار.

2.         او شهلا گوُز خورما گوُز، یار اغیارا یومار گوُز* بیر قلبیم وار وئرمیشه م*مندن جاندان اومار گوُز

3.         اوْتای بوتایا باخار. آراسیندان چای آخار. چیخسین منیم گؤزله‌ریم. سنسیز دونیایا باخار

4.         اوجا بوی قارا قاش گوز. آرامیزدا یوخ هچ سـوز. نچّـــه غمه من دوزدوم. بيرينـه ده سن گئل دُوز

5.         اود توتوب یانارام من*گیزلی سوُز قانارام من* گوُزلریم یار یولوندا* گونلری سانارام من.

6.          اوردک گوُلده بیر اودی*بیر چالخاندی بیر اوزدی* اوزون قوی اوزوم اوسته* گوُرن دئسین بیر اوزدی.

7.         ایشیم آشمادی باشدان*گوُزوم دویمادی یاشدان*فلک منه وئرسیدی*وئره ردی ازل باشدان.