حسینه یئرلر آغـلار، گوی لـر آغلار.......بتــول و مصطفی پیغمبــر آغــــلار

حسینین نوحسین دیلریش یازاندا.......مسلمان سهل دیر کی کافر آغلار

کور اولموش گؤزلرین قان دوتدو شیمرین.......کی گؤرسون اؤز الینده خنجر آغلار
حسینین کؤینه گی زهرا الینده.......چکر *قیحا قیامت ، محشر آغلار

آتاندا حرمله ، اوخ کربلاده.......گؤریدین دوشمن آغلار ، لشکر آغلار

قوجاغیندا ، گؤردین ام لیلا.......آلیب نعش علیّ اکبر آغلار

رباب ، نیسگیل دؤشونده سود گؤرنده.......علیّ اصغری یاد ائیلر آغلار
باشیندا کاکل اکبر هواسی.......یئل آغلار ، سنبل آغلار ، عنبر آغلار

یازاندا آل طاها نوحه سین من....... قلم گؤردوم *سیزیلدار ، دفتر آغلار

علی ، شق القمر ، محراب تیلیت قان.......قولاق وئر ، مسجید *اوخشار منبر آغلار
علی دن شهریار ، سن بیر اشاره......قوجاقلار قبری ، مالک اشتر آغلار