نئچه بایاتی دیل حاقیندا
|
1. ائولرینده وار کیلیم* لال اولسوم منیم دیلیم*گئدنده گوسدی گئتدی*گلسه نئجه دیندیریم.
2. آچدیم_آچدیم گول اولدوم*بوی آتدیم سنبل اولدوم* بیر دیل بیلمز قوشودوم*اوخودوم بلبول اولدوم.
3. آرازام کوره بندم*بولبولم گوله بندم*من گئدرگی قونام* بیر شیرین دیله بندم.
4. آی دولاندی ایل آشدی* باغیم باغچام گول آشدی*یالواردیم دانیشمادی* کوسن کیمی دیل آشدی.
5. باغچادا گولوم اولسون* اوسته بولبولوم اولسون* یا گوُیلونی آلماغا* باری بیر دیلیم اولسون.
6. بو داغدا بار اولونجا* هئیوالار نار اولونجا* دیل آچار دلی گوُیلوم* سن منه یار اولونجا.
7. بوداغدا توراج بانلار. اونون دیلین کیم آنلار. یاریمدان آییردیلار.قویمایین مسلمانلار.
8. بیر دردیم وار کاغاذیم* سن ایله جار کاغاذیم*یئتنده یار یانیننا* دیل آچ یالوار کاغاذیم.
9. چوللرده بستان اولدوم*دیللرده دستان اولدوم*طالعیم بد گتیردی*آشنادان دوستدان اولدوم.
10. داغلار باتیبدی قارا* اووچی دوشیبدی دارا* دیل ایله دوست آولانین* قلبینی داردا آرا.
11. دریا دولی لیل ایلن*یاریم اوینار گول ایلن*هامییا جان باغیشلار* منی ساخلار دیل ایله.
1
|
2. دیلیمین اوستو یارا* آلتی قان، اوستو یارا* دیلیم سنی کسه رم* نه دئدین، کوسدی یارا.
13. سو گلیری لیل ایلن*بولبول اوینار گول ایلن*بیر سوُز دئدیم کوسدی یار* گوُیلون آلدیم دیل ایلن.
14. شافتالیام کالام من*دیلیم یوخدی لالام من*قونشودا بیر قیز سئومیشم* پولم یوخدی آلام من.
15. عزیزی یم دگدی یارا* سو گلدی دگدی یارا*لال اولسون منیم دیلیم* نه دئدیم دگدی یارا.
16. عزیزیم اوزوم دیلدن*خبر وئر اوزوم دیلدن*سنین شیرین آدینی*من نئجه اوزوم دیلدن.
17. عزیزیم تات آنلار. تاتین دیلین تات آنلار. نه لر چگیر گئجه لر.تک اوتاقدا یاتانلار
18. عزیزیم یاددان سن*داغ- دره نی آددان سن*دیلیمین ازبریسن* هئچ چیخمازان یاددان سن.
19. عزیزیم ئوزوم سنه*قربانام ئوزم سنه*نه دیل ایله یالواریم* خوش گلسین سوُزوم سنه.
20. غریبم قلبیم دومان* دیلیمدن دوشمه ز آمان*من دوشموشم گوُرموشم*سن دوشمه غربت یامان.
21. کاغاذ یازدیم قارا سیز*درده دوشدوم چاراسیز*گرگ منیم دیلیمجه*سیز یارا یالوارسیز.
22. گولدانین گولی یانسین*اود توتسون گولی یانسین* سنه یامان دییه نین* آلیشسین دیلی یانسین.
23. گونلری بیر-بیر سانا*اود دوشوب شیرین جانا* دانیشیریق باخیشلا* دیل قالیر یانا-یانا.
24. من عاشیق وای منه*شهرده یوخ تای منه*آدیم دوشدی دیلره*بوندان سونرا وای منه.
25. یازگونونده قار اولماز*سوُیود قالخار بار اولماز*ایکی دیللی گوُزلده* عهده اعتبار اولماز.
26. عزیزیم یارالاندیم*اوخ دگدی یارالاندیم*خنجر ووردون کسمه دی* دیلیندن یارالاندیم
27. اشتراک کلمه دیل با سایر اعضا (169-164-154-148-146-137-131-126-122-120-114-94-81-66-60-42-41-27-22-21-14-12-2) جمع آوری و تالیف کرم زاده دیزجی
عضو شوید
عضویت سریع
آمار مطالب
آمار بازدید
